لماذا تلعب الكاراتيه؟

هذا السؤال له اجابات كثيره منها_
*-العب الكارتيـــــــــــــــــــــــــــــــه عشان اكون بطل
*-العب الكاراتيــــــــــــــــــــــــــــــه عشان اعرف اذاى ادافع عن نفسى
ولكن هناك شروط لذلك :-
*-ان تكون بنيانك قوى .
*-ان تعرف ان العقل السليم فى الجسم السليم .
*-ان تعرف ان فاقد الشئ لا يعطيه بمعنى (ان السياره لا تسير بدون بنزين )
*-ان تعرف العناصر الغذائيه للرياضيين تختلف عن الناس العاديين .
*-ان تختار مدرب ذو خبره يعرف كيفية توصيل المعلومه للاعب .
*-ان تبادر بالمشاركه فى اقرب مركز شباب او نادى لمنزلك .
بقى شئ مهم يجب ان تعرفه :-
ان رياضة الكاراتيــــــــــــــــــــــــــــــــــــــه لعبه غير مكلفه (بدلة كاراتيه-اشتراك النادى )
...............................................
ولو في اراء تاني ياريت نكتيها.

المشكلة مش فى الاشتراك ولا البدلة تلاقى ولى الامر يقولك ايه :ياعمى فلوس الكورة اكتر بكتيييييير انا عايزة يجيب فلوس .................................وهذا حال جميع الرياضات الفرديه فى مصر انها لا تعتبر هامه
واللى ليه رأى غير كده يقول

الكلام الذي قاله الكابتن صحيح

الكلام صح عشان كل ولى امر فاكر ان ابنه هيبقى (أبو تريكه ) بس فى الكاراتيه مستقبل لاكتر من لاعب حتى وان عمل بالتدريب فيما بعد
صح ولا لاء

مع احترامى ليك يا كابتن بس لبعه الكراتيه لعبه مكلفه

لانك كل تلت شهور بتدخل اختبارات بمبلغ

وبتشترى البدله وبنتشترى الاوقيه والاحزمه

وفى المقابل مفيش حاجه

انما لو لعبت فى كوره مش بتخسر حاجه انما ممكن تكسب ان يصدف معاك وتبقى لاعب كبير

انا مش بقول كدا لانى مش بحب الكراتيه لا بالعكس
انا بقول كدا لانى نفسى نلاقى حل للمشكله دى

علشان اللعبه ترجع من تانى وتبقى اكبر لعبه شعبيه لان بجد شعبيه الكراتيه كانت الاول اكبر من شعبيه الكوره بكتير

سورى على الاطاله

مع خالص مودتى وتقديرى

والله يا كابتن هيما الكاراتيه بيكسبك اكبر حاجه وهى الأخلاق بس كون ان اللعبه مكلفه فده يعتبر تمن قليل عليها بس الكاراتيه بيديك اكتر ده طبعا مجرد رايي بس انت نورتنا على الموقع والله ونتمنى مشاركات رائعه فى الفتره القادمه .........كابتن أحمد مجدى

والله يا كباتن ده يعتمد ان الكاراتية يديك اخلاق ولا لا يعتمد على نوع الكابتن الى بيمرنك فى كباتن كتير معندهمش اخلاق صح ولا

ولكن أنا عندى سؤال يدور فى ذهنى كيف يكسبنا الكاراتيه الأخلاق معذرة أعتبرونى لاأفهم بسرعه ولكن انا بجد مش عارفه أزاى؟

king of darkness كتب:

ولكن أنا عندى سؤال يدور فى ذهنى كيف يكسبنا الكاراتيه الأخلاق معذرة أعتبرونى لاأفهم بسرعه ولكن انا بجد مش عارفه أزاى؟

ممكن علي سبيل المثال -ان الاعب يتعلم انه يقبل المكسب والخساره حتي لو لاعب عصبي
لو لعبت مع لاعب مستواه احسن مني هحاول اتعلم منه ودي حاجه كويسه
ولا ليكي راي تاني